في وعاء نضع زوج حبات 🥚 نضيف عليها كاس سكر و نخلط حتى يذوب السكر ،

نضيف كاس زيت و ملعقة ص فانيلا و نحرك مليح ثم نزيد كاس القهوة

نجيب غربال نصفي بيه المواد الجافة
نصف كاس كاكاو مع كاس و نص فرينة و زوج خميرة الحلوى

نخلط المكونات جيداً حتى يمشيو كامل الحبيبات و يوليلنا خليط املس

ندهن الصينية بالزبدة و نرش عليها شوية فرينة ونسكب الخليط تاعي فيها

صوص الشوكولاتة:
في كاسرونة(قبل ما نحطها فوق الغاز) نحط زوج ملاعق كبار كاكاو+ ملعقة كبيرة ونصف فرينة + اربع ملاعق كبار سكر ونزيد عليهم كاس تاع الماء بالتدريج و نحرك ، من بعد نحط الكاسرونة فوق الغاز و نكب كاس حليب وبعض قطع الشوكولاتة (اضافة الشوكولاتة اختياري يمكن الاستغناء عليها) و نحرك مليح مليح حتى تعقد لاصوص و متبقاش جارية

نحط صوص الشوكولاتة فوق الكيك و نزيدلها خطوط من الشوكولاتة الذائبة للتزيين وكل واحد و كيفاش يحب يزين

شهية طيبة ❤️ للجميع متنساوش اي وحدة تجرب الوصف تاعي تشاركني تجربتها فالكوكسناب اراءكم تهمني😁 💓