1ـ في صحن او جفنة نضع 6كيلات تشيشة مع 3 كيلات سكر. ونخلط مليح نضيف قرصة ملح وملعقة صغيرة افاني نخلط مليح حتى يدخل السكر في تشيشة نضيف كأس الدهان ذائب أو زبدة ونخلط. في كأس اخر نضع كيلة الماء الزهر مع قليل من الماء ثم نضيفو إلى الخليط وبستعمال اكفف اليد نخلط حتى نعرف بلي سكر يذوب نضيف كيلة الحليب انا لم استعمله ولكي الإختيار.

في هذه الأثناء نترك الخليط يرتاح قليلا.
في كسرونة نحضر الشربات أو العسل نضيف 2 كيلات سكر مع 4 كيلات ماء مع شريحة من ليمون ونتركها على نار. مدة 15 دقيقة نطفي عليها ونضيف لها كيلة ماء الزهر ونتركه يبرد.

في سينية الفرن ندهنها بزيت او زبدة او دهان نفسو لستعملتو في الخليط
هذي الخطوة مهمة جدااا باش القلب تاعنا. ينجح يعني انا ستعملت زبدة في الخليط أي لازم سينية ندهنها بزبدة
واذا استعملت دهان في الخليط يعني لازم سينية ندهنها بدهان وزيت كذالك.
واكيد نفس شيئ لستعملتو في الخليط وسينية ندهن بيها وجه القلب لوز تاعنا من الفوق ان شاءالله تكونو فهمتو هذي الخطوة لأنها مهمة جدا باش ينجح القلب اللوز.

بعد ماندهن سينية ويرتاح الخليط تاعنا.
نضع الخليط في سينية ندير طبقة وبعد ندير الكوكاو وبعد نزيد ندير طبقة الأخرى ثم نقطعها على مربعات والموس تاعنا منوصلوهش للقاع سينية يعني غير نحدد من الفوق فقط.
نزين القلب لوز بحبات الكوكاو.

وتزيين اختياري تحبي كاكاو او مات كوكو او لوز ولكي الاختيار.