اول حاجة اللحمة::
اساس البيكاتا بتبقا لحم بوتيك وجه الفخدة بس انا لما جربتها باللحم المفروم كانت لذيذة جداً❤️

فطاسة فيها معلقة زيت او ممكن لو دسم اللحمة عالي ننزل بيها الأول، نقلبها كويس ولما خلاص تقرب تكتمل في السوى هنضيف الملح والفلفل الأسود ورشة من الكزبرة ولو حابين تضيفوا اي شيء آخر ضيفوه، تستوي اللحمة وتشيلوها على جمب وفنفس الطاسة هننزل بالبصل المقطع لحد ما يكون لونه ذهبي ويصفر هننزل بمكعب من الزبدة ونستمر في التحريك وننزل بمعلقة صغيرة من الثوم المفروم ونحرك وننزل بالمشروم (الفطر).

بعديها هنزل بمعلقتين دقيق ومعلقتين من الديمي جلاس باودر ونحرك كويس وننزل بكوبايتين من مرق اللحم وده عبارة عن كوبين من الماء متدوب فيهم مكعب مرقة اللحمة من ماجي او شوربة لحمة عادية.
هنحرك كويس القوام هيمسك وننزل بكريمة الطهي او اللبن والقوام هيكون كريمي وفي الآخر هنحط الزعتر رشة كدا وتقدروا تظبطوا الملح.

المكرونة هنسلقها ومفيش أسهل من كدا😉
لو رز ابيض..
في حلة على النار هننزل بشوية من الزيت وقطعة صغيرة زبدة(اختياري) و ننزل بالرز ونقلب كويس جداً وننزل بمرقة اللحم او الماء ومكعب مرق وملح وكمون(اختياري)
اهم حاجة ماء او شوربة مغلية عشان الرز يطلع مفلفل ميعجنش😉❤️

و مفيش اطعم من كدا هتعيروا كمية الماء حسب استخدام اكواب الرز المستخدمة ويغلي غلوة ونهدي النار شمعة ونغطي على الرز ونتركه يستوي بالبخار.

اهم حاجة متنسوش كل ده على نار هادية..
تقدروا تضيفوا او تحذفوا اي حاجة في الوصفة بس إلا اللحمة لأنها من اساس وصفتنا النهاردة😉❤️
و الف هنا على قلبكم مقدماً❤️