هنتبل مكعبات الفراخ بالبهرات المكتوبة وهنقلبها كويس نتركها ساعتين قبل التحضير بالثلاجة.

في طاسة على النار هنحط نصف ملعقة سمن وننزل بالفراخ ونسويها كويس ونشوحها لحد ما يكتمل سواها.

نرفع الفراخ من النار وفنفس الطاسة هننزل بالبصل ولما ياخذ لون هننزل بمكعبات الكوسة ونشوحهم كويس ممكن نضيف جزر لو حابين بس نخليه في الاول لأنه بياخد وقت في السوى اكتر.

تتشوح المكونات وريحتها تطلع وهننزل بالفلفل ونقلب تقليبتين وننزل بالطماطم ونقلبهم دقيقة ونضيف الصويا صوص ونقلبهم كويس ونرش عليهم كبشة الموزاريلا لايت ونغطيهم من ٣ - ٥ دقائق حتى يذوب الجبن.
عند التقديم هنرش رشة من الزعتر او النعناع الناشف اختياري.

و استمتعوا بأحلى وجبة غدا تنفع مع رز او معكرونة وهتكون وجبة متكاملة غذائية لأصحاب الحمية انا شخصياً بعملها.. او كمان للأطفال لأن فيها كل القيم الغذائية الي بيحتاجها طفلك💗

زي ما اتعودنا هنطبخ اكلنا على نار هادئة ولو حابين تحذفوا او تضيفوا اي حاجة في الوصفة براحتكم.
المهم الف هنا وعافية على قلبكم❤️.