كناخذ التقليه كانغسلوها مزيان اللي هي كاتكون فيها الكرشه والمصارن والريه والقرجوطه والمصران الغلاط اللي كايكونوا فيهم الشحمه كناخذهم كنغسلوهم مزيان مزيان وكانديرهم في الكوكوط يتسلقوا مع شويه الملحه والخل ملي كايتسلق لنا هذا الشيء كامل كانصفيه

كنصفي وكاناخذه طنجره الضغط اللي هي الكوكوت (الطنجرة) وكنديروا فيها هذيك الكرشه وذوك المسائل كاملين وكانزيدوا عليهم القليل من زيت الزيتون والملح والخرقوم سكينجبير التحميره شويه ديال البزار والكمون وشويه الكزبرة والمعدنوس وكان نتشحروا هذا الشيء مزيان وكنزيدوا عليهم بصيله ومطيشه مطيشه ولا جوجات يكونوا مقطعين مزيان كانخليوا هذا الشيء مع بعضياتهم كايتشحروا وكانبلوهم بشويه ديال الماء سخون وكانسده تقريبا الوقت غاتكون اقل من ربع ساعة حيت كاتكون عندنا اصلا الكرشه مسلوقه من بعد كانقدموها بالصحة والراحه