هنضرب في المفرمه الثوم ومعاه حبة فلفل رومي وواحد حار ورشة ملح وكزبره و هنقطع الكبده شرائح أو مكعبات زي ما تحبي وهنقطع الليه وناخد نص الخلطه اللي فرمناها ونتبل بيها الكبده

في طاسه علي البوتجاز هننزل بملعقة كبيرة زيت والليه ونقلبهم كويس لغاية ما الليه تبدأ تسيح وبعدين هننزل بالكبده ونقلبها لمده خمس دقايق ع نار عاليه اول ما يتغير لونها وتبدأ تاخد لون ننزل بباقي الخلطه و بالفلفل الاخر والحار ونقلبهم

وبعدين ننزل بالتوابل "الملح، الفلفل، الكزبره" دقيقتين نقلب فيهم ونعصر ليمونه ونزلها من ع النار ونقدمها مع طبق سلطه أو نعملها سندوتشات مع سلطه وطحينه ونعصر عليها الليمون وقت الاكل وبالهنا😍