نبدأ على بركة الله، نشوي الفلفل والباذنجان فوق الريشو، نديرو في ساشي ونبلّع عليه باش يعرق ويسهل تنقيته.

كي يهدا شوية نقي الباذنجان والفلفل بكل سهولة، نقطع الباذنجان قطع صغيرة.

نقطع الفلفل قطع صغيرة بحجم قطع الباذنجان ونخلطهم مع بعض.

في هاذ الوقت نفرغ في مقلاة الزيت وزيت الزيتون نخليها تسخن شوية ثم نضيف عليها الثوم مقطع ونخليه يتقلى (عسوه بلخف يتحرق) ثم نضيف الطماطم (منقية من القشرة ومقطعة قطع صغيرة) نخلط الكل جيدا ثم نضيف الملح.

نحاول نمعس الطماطم كما هو موضح في الفيديو، ثم نضيف الفلفل والباذنجان المقطعين نحرك مليح (للأمانة استعملت نصف الكمية)، نقص للنار ونخليه يطيب على خاطرو.

حتى يتجمر وينشف تقريبا من الماء ويتسبّك مليح.

ويقدّم بألف صحة وهنا 🍆😋🍅