منحضر الكريب منخلط كل النواشف مع بعض 2 كاس طحين مع كاستين ونص ماي و 4 ملاعق حليب بودرة مع رشة ملح منخلطن منيح وبمقلاية تيفال مع رشة زيت خفيفة اول مرة ومنحط مقدار كفكير صغير مع التحريك وبس يستوي منقلبو عل الجهة التانية وهيك لتخلص الكمية.

منحظر اللحمة منفرم البصلة ناعم مع حص واحد توم ناعم مع شوية زيت ليدبلو منزل اللحمة ومنحركها وبس تنشف المي تبع اللحمة منحط البهارات الفلفل الابيض والاحمر ورشة جوزة الطيب والملح بعدين منحط حبتين البندورة المفرومين ناعم.منتركهم ليستوى ويسبكو مع بعضن.

منحظر البشاميل بطنجرة منحط ملعتين زيت مع 2 ملعقة طحين ومنحرك منيح ومنحط الحليب مع التحريك رشة فلفل ابيض وحص توم ناعم ورشة ملح..حسب الرغبة.

منحط بالصينية شوية زيت ومنوزعها بالفرشاية.ومنبلش نلف كل حبة كريب منوضع فيها لحمة ومنلفها..

وحطيت كمان مع كل حبة اضافة شوية جبنة مع اللحمة..

ومنلفها من الجوانب وبالطول..ومنوضعها بالصينية لنكمل كل الحشو.

وبس نخلص منحط البشاميل فوق الكريب مع رشة جبنة بارميزان وعل الفرن محمى مسبق عل 200د 15د من تحت ومنرفعها عل الشبك و10د لتاخد لون.

بس فعلاا الطعم رووعة 😘 😋