لتحضير الكاسترد هنسخن اللبن ونخلط البيضة والسكر والفانيليا جيدا ونضيف النشا ونخلط

نضيف اللبن على خليط البيض جزء جزء حتى تتساوى درجة الحرارة واخرا نضيف اللبن بالكامل.

نضع خليط الكاسترد على النار لحد اما يتقل ونتركه يبرد.

لتحضير الكريب هنخلط اللبن والبيض والفانيليا والسكر والزيت ونخلط الدقيق والكاكو ونضيفه على خليط البيض ونخلطهم كويس.

فى طاسة تيفال نضع معلقة زيت ونمسح الطاسه بيها باستخدام منديل ورق.

نضعها على نار هادئة تسخن وباستخدام المغرفة ناخد بيها معلقة كبيرة من خليط الكريب ونضعه فى الطاسة ونوزعه على شكل دايرة.

بعد ما الحروف تستوى هتظهر فقاقيع تدل على سواء الجزء اللى فوق، بعد ما تنتهى الفقاقيع نقلب الكريب لحد تمام السواء، نكرر العملية لحد انتهاء الكمية.

بعد ما يبرد الكريب نضع عليه معلقة كبيرة كاسترد ونوزعه، ونضع علية معلقة صغيرة من حشوة الكرز فى طرف الكريب.

نلف الكريب على شكل رول ونقطعه من المنتصف ونرصه فى طبق التقديم ونزينه بصوص الشيكولاتة.