وربات بالحليب والقريشة
الخطوات
- 1
منحط عيارات العجين مع بعضا ومنضيف الماء ومعجن العجين ومنغطيه بكيس لمدة ساعة
- 2
منحط الحليب ع النار وقبل مايبلش يغلي منحرك ومنضيف السميد شوي شوي ومنركا ع نار هادية لمدة نص ساعة بكون شاطت منسكبا ع صينية مشان تبرد وبس بردت منخلطا مع القريشة
- 3
منطبخ القطر
- 4
منقطع العجين قطع كبار كل قطعة وزنا 60 غرام ومنلتون ب النشاء بعدين منرقون بشكل دائري وكل ورقة منرقها منبخا نشاء ومنطبق التانية فوقا بس خلصنا هالمرحلة منرجع منغطيها لمدة ساعة
- 5
بعد ساعة منجيب عصاية كبيرة تكون مدورة ومستقيمة منجيب العجين ومنرجع ورقة ورقة منبخا نشاء ومنطبقون فوق بعض وبعدا منبلش رق لحتى تصير كل ورقة برق ورقة السيكارةويكون شكلو دائري ومنجيب مسطرة ومنقطع اول الشي بشكل مستقيم وبعدا بشكا مايل بعدا منحط فوق كل قطعة عجين قطعة حشوة ومنصفها بالصينية ناشفة
- 6
بعدا منسقيها سمنة ومنحطا بالفرن لحتى تستوي ويصير شكلا ولونا متل الصورة بس ايتوت منضيف القطر
- 7
وصحتين ع قلبكون
وصفات مشابهة
وصفات ننصحك بمشاهدتها
التعليقات