نقشر البادنجان و نقطعو مكعبات صغار نغسل و نملح ونحطه يفور حتى يتبدل اللون منخليوهش يدبال خلاه

نربي البصل ونقليه في شوية زيت كي يتقلى نضيفله اللحم المفروم والملح والفلفل اسود ونخلي اللحم يطيب

نربي الطماطم ونديرها تتقلى في شوية زيت ونضيفلها الملح والفلفل اسود حتى طيب

كي نشوفو الصوص طماطم طابت نضيفلها الخليط تع البصل واللحم المفروم ونحركهم جيدا حتى يتشرب اللحم الصوص تع طماطم كي نشوفها نشفت نطفي

ناخد صينية فرن ندهنها بالزبدة ونفرغ فيه البادنجان لي فورناه ونبسطه ونسويه ثم نغطيه بصوص طماطم كامل ونقص الجبن الابيض ونحط فوق الصوص طماطم

نحضر الصوص بيشامال ندوب الزبدة ونضيف الفرينة ونحرك جيدا حتى تشرب الفرينة الزبدة الدايبة ومتلصقش في القدر نصب الحليب بالتدريج مع تحريك حتى تتحل الفرينة في الحليب

نضيف الملح وفلفل اسود ونواصل التحريك فوق نار قليلة حتى تعقد نصبها فوق الصوص طماطم حتى تتغطى كاملة وندخلها للفرن مسخن من قبل وشاعل من تحت فقط مدة 25 دقيقة ثم نطفي من تحت ونشعل من فوق حتى تتحمر