منغسل الدجاج وبدهنو ب زيت الزيتون من الداخل والخارج لتنزل كل الزفرة منو ساعتين اقل شي من بعدها بغسلو وبنقعو بماي وخل ابيض وملح وبتركو 3 ساعات وبغدها بغسلو وبحطو بمصفاية لينشف و بيكون جاهز انا حظرتو قبل بنهار.

الكستنا انا بفرزها بسلقها تقريبا ربع ساعة وباخد كل حبة بطرف السكين بعمل فيها شق صغير وعلى فرن محمي مسبقا على حرارة 🔥 هادية 200 نصف ساعة مع التحريك المستمر. ليتحمر منقشرها وجاهزة للاكل.

لعمل حشوة الدجاج مننقع كاس رز بسمتي لمدة نصف ساعة ⌚ منحط بطنجرة 2 بصلة ناعمة لتدبل منحط كل البهارات لتطلع كل ريحتها منزل اللحمة ومنحرك لتنشف الماء منحط الجوز ومنحرك بعدها الكستنا منملح ومنحط الرز و عيار الماء المطلوب ولازم تكون ساخنة ♨. منتركها تغلي وتنشف الماء منخفض الحرارة لاخر شي ومنغطيها لتنشف تماما.

منبرد الرز ومنستعمل المطلوب لحشي الدجاج. صوص للدجاجة مندهنها من برا ومن الداخل ومنحشي الدجاج بالرز ومنسكرها منلفها بورق زبدة ومن بعدها سلفان عشان تحكم الحرارة تماما. بتأخذ ساعتين على اعلي درجة حرارة 🔥 275 من بعدها منكشف عنها لتاخد لون المطلوب والمرغوب.

قليت البازيلا مع رشة زيت نباتي والجوز.

باقي الرز طبختو قبل ماتطلع الدجاجة من الفرن عشان يظل ساخن ♨ والباقي من الكاس الى عملتو لحشي الدجاج منحطو فوق الرز الجديد بيطلع نفس الطعم. بينسكب الرز بيتزين بالبازيلا والجوز.

والف هنا وعافية 💚 لقلبكم تعبكم وشغلكم الحلو ومساكم منور دايما 🌹 🥀 💕