نسلق المكرونة لمدة ربع ساعة على نار هادية، نضيف الماء أول مع الزيت و الملح و نخليهم لين يفورون شوي و نرمي المكرونة عشان ما تتلبد.

في صاج الكشنة نضيف ملعقة كبيرة زيت و عليها البصل لين يسير اشقر.

نضيف عليه ملعقة من ثومية المطاعم و حلوه لو عندنا من ثومية البيك او أي مطعم راح تعطي طعم لذييييذ في الكشنة، انا استخدمت من ثومية شاورمر.

نضيف بعدها حبة طماطم مقطعة مربعات صغيرة و نغطيهم لين تذبل الطماطم.

الطماطم الثانية نطحنها في الخلاط و معاها قطعة الفلفل رومي، و القطعة تكون صغيرة يعني بمقاس ٣ اصابيع عشان تعطي نكهة بس.

نرمي اللي في الخلاط على الكشنة و نضيف الصلصة و الكتشب و البهارات و نخليهم يتسكبوا.

اخيرا نصفي علب التونة و نضيفها على الصلصة و نخليها تطبخ مع بعضها.

نرجع للمكرونة نصفيها من المويا الحار بعد ما تستوي و نغسلها بمويا باردة و قبل التقديم نحطها على الكشنة و نقلبهم و لازم تتجانس بالكامل.

للزينة بقدونس و تقدم ساخنة و بالعافية 🤩✨