إفتح في تطبيق كوكبادالخطوات
- 1
في إناء نضع حليب+زيت+حبة تاع البيض و نميكسيهم حوالي دقيقتين حتي يولي خليط على رغوة
- 2
منبعد. نزيد خميرة+ملح نخلط ها بالخلاط يدوي منبعد نبدا نزيد في فرينة تدريجيا
- 3
حتى تولي عندي عجينة طرية ندلكها غير شوية و نديرها في كيس و ندخلها ثلاجة حوالي نصف ساعة
- 4
منبعد نخرجها من ثلاجة و نقطعا على 4 و نشكلها كريات، 2 نديرهم في ساشي و 2 لخرين نخدم بيهم
- 5
نرش سطح عمل بالفرينة ونورق دائرة الأولى رقيقة و نروليها على الحلال و نزيد تانية بنفس طريقة
- 6
ندهنها بالمارغرين و نزيد عليها عجينة لي ورقناها الأولى
- 7
نزيد ندهنها من فوق بالمارغرين و نغلق كما موضح في صورة وبين كل طبقة ندير مارغرين
- 8
نغلقها كما موضح في صورة و كلما كثرنا مارغرين تجي تتقرمش
- 9
نديرها في كيس بلاستيكي و ندخلها ثلاجة حوالي ساعتين أو أكثر باه مارغرين تشد روحها و دوائر العجينة لي درناها في ساشي الأولى نكرر نفس العملية لي درناها
- 10
بعد ما نخرجها من ثلاجة نرش فرينة و نحلها بالحلال و نديرها في صينية و ندير صلصة و فرماج أي نوعية و نغلقها بالعجينة تانية
- 11
نقطعها كما موضح في صورة ندهنها بصفار بيض نديرله شوية زيت باه يعطيني لون ذهبي و ندير زيتون أو سانوج لكي الإختيار
- 12
ندخلها الفرن على 180 درجة و بصحتكم
- 13
«صلصة»: في مقلاة ندير شوية زيت و نحط بصل يتقلالي مليح منبعد نزيد عليه ثوم+حرور+زعتر+طماطم مصيرة نخلطهم منبعد نزيد طماطم أنا رابيتها بعد مايطيبو نطفي لازم كي نديرهم في عجبنة صلصة تكون باردة
جرّبت هذه الوصفة؟ شارك كوكسناب!
دع الطبّاخ Sohir benkorbaa يرى نتيجة تجربتك لوصفته.
لا شيء يعبّر عن الشكر لصاحب الوصفة أكثر من صورة تجربتك!
جرّب أحد الطبّاخين وصفتك وأرسل لك صورة الطبق كوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات