الخطوات
- 1
مننقع الرز اول شي... و منفرم البقدونس ناعم
- 2
...و منبدأ نقطع الطماطم ناعمة و البصل و نص فص ثوم بينفرم ناعم و النص التاني بيندق دق
- 3
بقدر منعبي مي و بننطرا لتغلي بس غلت حنطفي تحتا و ننزل كمية من ورق العنب نزلة بس و نطلعو دغري سريع و هكذا...
- 4
بمقلاية مقدار فنجان صغير حنحط زيت زيتون و ننزل البصل و التوم ليدبل البصل بس... منضيف الرز ومنقلبو شويتين وبعدا الطماطم و البقدونس و منقلبهم سوا شويتين منطفي تحتا و منضيف دبس الرمان وعصير نص ليمونة بس و معجون طماطم والملح والفلفل ومنقلبهم
- 5
هيك بتكون جاهزة الحشوة بنبدأ باللف... اليالنجي بيكون مليانة حشوة يعني سمينة و قصيرة اللفة😂 و منحط بالطنجرة لازم تكون حجما وسط مشان تغمرن المي بعدين و منصف تحت بطاطاية منكون قطعناها دوائر
- 6
هلأ بس خلصنا اللف...بنجهز المي يلي حتغمرن و هيه عبارة عن التوم المدقوق حنقلي بزيت زيتون شوي و نضيف عليه مقدار كاستين لتلات كاسات تقريبا مي مغلية منضيف كمان ملعقة دبس رمان و نص عصير ليمونة و ملح...وهي مندوقا لنحس وصلنا للطعم الحامض يلي بدنا يا والملوحة المزبوطة يلي بدنا ياها...
- 7
حنجيب الطنجرة يلي فيا ورق العنب و نتقلها بتتقيله(لو موجودة عندكم أفضل بكتير...انا لسة ماعندي فتقلتلا بطنجرة تانيه اصغر و عبيتا مي بس هالشي خلا يطلع كم وحده من عجنب و تفرط😑....ماعلينا المهم بتتقلوها و بتضيفو المي عليها بمقدا تكون اكتر من انها غامرتن و زياده اصبع كمان فلو نقص منضيف مي كمان عليهم لينغمر مزبوط و زيادة...و منتركا نص ساعه بزبط...بس منتطمن عليها شوي بعد ربع ساعه مشان ازا نشفت المي نزيد...انا مازدت و ما احتاجت ابدا...بالاخير بنسكبها لو المي زياده ومابدنا ياها منكبا وبس صحة 👌😍
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات