في كسرونة نضع المارغارين + سكر + العسل + الفانيلا و نضعها فوق النار و نخلط مليح حتى يذوب السكر و المارغارين نترك الخليط يبرد مليح ثم نضيفلو البيض و نخلط لازم الخليك يكون بارد باش البيض مايطيبش

نفرغ الخليط في اناء و نبدا نضيف الفرينة غير بشوية و نخلط نضيف ملعقة صغيرة بيكربونات و نخلط حتى نتحصل على عجينة متماسكة و متلصقش

الفرينة تاكل من 800 غ حتى كيلو على حساب الفرينة لي تستعمليها

نقسم العجينة على 4 و نحطها في كيس بلاستيكي و نخليها تريح 10 دقائق

نفتح العجينة الاولى بالحلال على شكل مستطيل او مربع بسمك ماشي خشين و ماشي رقيق بزاف

ثم نضعها في صينية استعملي ورق الطهي باش يعاونك كي ترفديها

تقبيها بالفرشيطة و دخليها للفرن طيب حتى تتحصل على لون ذهبي

نفس الطريقة مع الطبقات الاخرى نفتحهك بنفس ابعاد الطبقة الاولى

كي يطيبو كامل نحط الطبقة الاولى و نضع فوقها معجون المشماش ثم نضع الطبقة الثانية و نضع ايضا معجون المشماش و هكذا حتى نكمل كامل الطبقات

الطبقة الاخيرة كي نحط فوقها المعجون نرش على سطحها كاوكاو ايفيلي لي نكون حمصتو شوية نرشها بالسكر الناعم

نخليها تبات ليلة كاملة ثم نقطعها بالاشكال لي نحبها

ملاحظة : نقدر نعوض المعجون بديكوجال الكراميل ولا توفيا راح نتحصل على ذوق بنين بزاف ويبقى المعجون اقتصادي