طاجن بامية مميز👌بالطشة الخطيرة😋🍲
طبعا كلنا بنحب البامية وبالذات لما بتبقى في الطاجن.. بس الطريقة دي كمان مميزة قوي وطعمها مختلف لأنها بالطشة وخليت طعمها تروح في حتة تانية خااالص😍😍👌 اكيد كتير مننا مايعرفش موضوع الطشة اللي في البامية.. وانا والله زيكوا ماكنتش اعرف 😂😂.. بس لما جربتها وعجبتني.. قلت وربنا ابدا لازم اقولكوا عليها😅😅جربوها ومش هتندموا💪💪
#تحدي_الشيف_الذهبي
#الشيف_الذهبي
#طاجن_بامية
#كوكينا_cookina
طاجن بامية مميز👌بالطشة الخطيرة😋🍲
طبعا كلنا بنحب البامية وبالذات لما بتبقى في الطاجن.. بس الطريقة دي كمان مميزة قوي وطعمها مختلف لأنها بالطشة وخليت طعمها تروح في حتة تانية خااالص😍😍👌 اكيد كتير مننا مايعرفش موضوع الطشة اللي في البامية.. وانا والله زيكوا ماكنتش اعرف 😂😂.. بس لما جربتها وعجبتني.. قلت وربنا ابدا لازم اقولكوا عليها😅😅جربوها ومش هتندموا💪💪
#تحدي_الشيف_الذهبي
#الشيف_الذهبي
#طاجن_بامية
#كوكينا_cookina
الخطوات
- 1
اول حاجة هنحط الزيت والزبدة لحد لما يسخنوا ويلسعوا نفسهم 😄
- 2
وبعد كده هنزل بالبصل المبشور الناعم الرقيق😊 وخطوة مهمة مش هتخلي البصل يدبل بس.. لاا اوعي يابت.. خليها تاخد لون دهبي بسيط.. الخطوة دى بتبقى حلوة جدا في اي طعم صلصة😋زي الصورة دي كده بالظبط
- 3
وبعد كده هننزل هووب بالثوم المفروم اللي طول حياته شقيان وفارمينه طول حياته في الشغل😭
- 4
وبعد كده هننزل بالباشا الكبير بتاعنا البامية🧔وهنشوحه بالراحة وعالهادي عشان ماتتهريش لأنها رقيقة وهادية 😁وبعد كده هنغطي عليها خمس دقايق ونهدي النار لحد لما تاخد شوية من ريحة وطعم البصل والثوم وعينيها تحرقها منهم 👀👀
- 5
وبعد كده هنزل بعصير الطماطم ونقلبها نقلبها نقلبها لحد لما تدوخ 🌀🌀😖
- 6
وبعد كده نتبلها بالملح والفلفل والكسبرة
- 7
ونحط المرقة والمية المغلية عشان نلسعها 🤕🤪ونغطي عليها ونهدي النار شوية لحد لما تستوي وتخلص بالف سلامة
- 8
وبعد كده هنحطها في الطاجن القمر العسل ده😚
- 9
ونيجي بقى للطشة الخطيرة اللي هتغير طعم البامية 860 درجة لا الفين درجة 😂 لان ريحتها وطعمها هيخليكي يغمى عليكي من جمالها 😂 اول حاجة سخنت الزيت والزبدة.. وحطيت ورق الورا والحبهان وشوحتهم حاجة بسيطة لحد لما شميت رحيتهم👃👀
- 10
وبعد كده نزلت بالفلفل وشوحته لحد لما ريحته ابتديت تطلع بس بلاش تخليها تدبل.. وبعد كده وسعت مكان في النص وقلتلهم وسع وسع.. وسع وسع. بصوت احمد سعد 😂💃 ونزلت بالتوم ويادوبك خليتها تدبل وريحتها تطلع برضوا 👃👃
- 11
وبعد كده نزلت بالخل وعمل تششش😁 بس خلي بالكوا على نفسكوا في الخطوة دي وَربنا يحفظنا ويحفظكوا. يعني حطوا الخل واطلعوا اجروا 🏃♀️🏃♂️😂وقلبت الخل كويس.. وطبعا بعد ماتحطي الخل هتلاقي جيرانك🧕🏃♂️🏃♀️🗣️ والناس اللي في الشارع بيخبطوا عليكي وبيقولوا ايه الريحة الحلوة دي.. ايه الريحة الطعمة دي💃
- 12
وبعد كده هننزل بالطماطم🍅 ونشوحها واخر حاجة ننزل بمعلقة الكمون ونقلبهم كويس
- 13
واوعى بقى الطشة اللي هتنزل في الطاجن خطييييرة..😍😍😍😍
- 14
واخر خطوة دخلتها في الفرن تنشف شوية حاجة بسيطة وشغلت الشواية تاخد لون واوعى بقى الجمال والطعم والريحة.. وده كان شكله النهائي.. ويارب تكون الطريقة عجبتكوا وجربوها هتدعولي💪💃
- 15
ودي قناتي المتواضعة عاليوتيوب بتمنى تنوروني وهتلاقوني واقفة على باب القناة بفتحلكوا بنفسي يالا انجزوا بقى عشان رجلي وجعتني من الوقفة 😂😂
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
-
-
-
طاجن بامية باللحم الضاني طاجن بامية باللحم الضاني
اكلة مصرية تتميز بطعمها الرائع وسهولة تحضيرها
-
-
-
-
-
-
-
وصفات ننصحك بمشاهدتها
التعليقات