هنغسل الفرخة كويس وتخلي ما بين الجلد واللحم علشان هنحشيها وهنتبلها ملح وفلفل اسمر من جوه ومن بره ومن كل حتة فيها وهنخليها تتبل شوية وهنجهز حشوة الارز

في طاسة علي النار هنحط معلقة ذبدة مع معلقة زيت يسخنوا ننزل بالبصلاية المبشورة تتحمر وتاخد لون بني وننزل عليها بعد كده بالارز مغسول ومتصفي وهنشوح مع إضافة رشة ملح وفلفل اسمر وبهارات وقرفة وجوزة الطيب رشة من كل نوع

وهنقلب ونضيف نصف كوب ماء مغلي ونسيب الارز يستوي نصف تسوية علي نار هاديه وبعد ما يبرد نبدأ نحشي الفرخه هنحشي ما بين الجلد واللحم مش من جوه لضمان تسوية الأرز هنحشي الارز في كل حتة تحت الجلد وبعد كده هكتف الفرخة من رجلها وأقفل بخلة خشب وهحشي الرقبة كمان واقفلها بخلة خشب

بعد كده نحط الكيس في صينية فاضية وادخلها الفرن لحين التسوية في أول ربع ساعة نار عالية بعد كده نار متوسطة لحين التسوية بتاخد حوالي ٤٥ دقيقة بعد كده ممكن تديها لون من فوق افتحي الشواية دقيقة