- كتاب الطبخ , عديله عزيز- برنامج الطبخ , سي بي سي سفره-اللى علمنى الطبخ , الزمن و الإضطرار- أحب طبيخ الملوخيه , اللوبيا , صنيه البطاطس و المسقعه , البسله , القلقاس- أطباق أولادى .. بيعشقوا الكشرى المصرى- أفضل الأطباق اللتى حضرتها رومي بالخضروات .. باذنجان مكعبات بالبصل و الطماطم و باللحمه المفرومهالأطباق المطلوبه .. الملوخيه بالأرانب و التورلى باللحمه المفرومه- الحلويات .. المكرونه بالمهلبيّه "رائعه" و الأرز المعمر بالشربات و الزبيب- السندوتشات .. البيض و الجبنه و الحلاوه , فقط لا غير- طبخى سهل خصوصاً إنى مش بطبخ زى الناس , إطلاقاً .. أنا كل كام شهر أجيب 10 كيلو طماطم على 10 بصلات كبار على كمية توم حلوه على قالب ذبده و بسبك الكميه دى كلها مره واحده , و بجيب 10 أكياس ثلاجه عشان كل كيس يكفى كيلو طبيخ , و أرصهم على الرخامه , و بالكبشه أوزع الكميه بعد تسبيكها , كل كيس كابشه لغاية ما أعبيهم و بعدين أبطط كيس كيس و أرصهم فوق بعض على طبق مسطوح بلاستيك , بيبقوا زى لفات قمر الدين مثلاً , و على الفريزرو الخضار كذلك , اشترى كميه و أوضبها و أقسمها و أشلها ,, مش بيبقى فاضللى فى الطبخ غير سلق البروتين و عمل شوربة الطبخ , فبالتالى الطبخ أصبح أسهل من عمل وجبة كشرى أصفر مثلاًبس المشكله اللى وقعت فيها انى بقيت استسهل الطبيخ فبالتالى مش بعمل ولا ببتكر أى أصناف أخرى , و بالتالى اتخنقت من الطبيخ جداً- أما المطبخ كمطبخ , فهو أحلى و أجمل مكان عندى فى البيت و أكثر مكان واخد نصيبه من الديكور و الأنتيكات و أكتر مكان لازم يكون مرتب و منظم و مبهج بإستمرار..