اولا تجهيز الكيكة الاسفنجية، نفصل بياض البيض و الصفار كل منهم في طبق فى الاول نضرب البياض مع رشة ملح صغيرة بمضرب البيض بسرعة عالية لحين تكون رغوة قوية متماسكة ( حاولى تقلبي الطبق فلا تقع ).

بعدين نروح بنفس مضرب البيض نضرب الصفار مع السكر البودرة و الفانيلا لحين لونها يصبح افتح.

نصب خليط الصفار علي البياض ( المارينج ) و نخلطهم ببطئ حتى لا تهبط ثم نضيف الدقيق مضاف له ملعقة المحسن و نحركهم ببطئ.

ندهن الصينية و نصب الخليط و يوضع فى فرن ساخن على حرارة 180 حتى تنضج، لحين نضوج الكيك.

نجهز الخليط الزبادى نذوب الجيلى فى الماء المغلى و نتركه يبرد شوية و نضيفله الزبادى و السكر البودره و الكريمة و يقلب جيدا و بكده يكون الخليط جاهز.

تخرج الكيكة من الفرن بعد تسويتها اذا كانت عالية نقسمها بالنصف و اذا كانت رفيعه نفس مقاس قالب الكيك بس ضرورى يكون من النوع اللى بيتفك من الجوانب.

هنجهز القالب نضع الكيك فى الارضية و نجيب ورق زبدة نبطن به القالب من الجوانب ، ثم يصب خليط الجيلى و الزبادى على الكيك.

تدخل الثلاجه مش اقل من ساعه ساعتين لولا ما تفكى القالب لحين ما تتماسك.

افصلي القالب واسحبى ورق الزبدة و بكده تكون جاهزه واذا لزقت و شدت من الجناب بسكينة مبلولة مياه دافيه امسحي الحروف ( واذا الكيك قب لفوق وانتى بتصبى الخليط على الكيكة لا تقلقى كله هيجمد ابقى اقلبيها بعد ما تجمد ).

زوقى براحتك و بالهنا و الشفا.