الخطوات
- 1
لتحضير عجينة المعمول بنحط الطحين مع السمنة وبنبسهم منيح ليمتزجو ومايضل اي اثر للطحين
- 2
بندوب السكر بالمي الباردة كتير وبنضيفو فوق الطحين المبسوس بالسمنة وبنضيف القطر وبنقلب تقليب لحتى تشرب العجينة كل المي
- 3
((ملاحظة :بعد مابنضيف المي مابنعجنها أبداً مجرد تقليب من تحت لفوق ولا تخافو اذا كانت طرية شوي لأنو بدها حط بالبراد بشان تغب المي منيح وتجمد))
- 4
بنحطها بالبراد حوالي ساعة لبين مانجهز الحشوة
- 5
التمر :بضيفلو السمنة الحيواني وحوالي ربع كوب قطر سميك وبعجنو منيح وبقسمو لكرات صغيرة تناسب حجم القالب
- 6
((إضافة القطر عالتمر بتخلي الحشوة تضل طرية لفترة طويلة ومابعذب أبدا بتشكيلو بالقالب))
- 7
الفستق :بكسرو تكسير وبضيف عليه السكر البودرة والمازهر والقطر وبعجنو بإيدي منيح لحتى صير اقدر شكلو بدون مايفرط آخر شي بضيف السمنة وبعجنو بالسمنة شوي بشان مايلزق الفستق بإيدي وقت الشغل
- 8
بطالع شقفة من العجينة من البراد وببلش شغل فيها ونصيحة لا تخلو العجينة كلها برا لأنو كل ماكانت باردة بتكون اسهل بالشغل
- 9
بنصف المعمول بالصواني وعالفرن على درجة حرارة ١٨٠ انا بحطو بالرف الوسط وبس لياخد اللون الأشقر بطالعو وبخليه ليبرد شوي قبل ماشيلو من الصينية
- 10
وألف صحة وهنا ❤🌷
- 11
ونصيحة جربوا هالطريقة وبتدعولي 😉🌼
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
-
-
-
-
-
-
-
-
-
-
معمول التمر بالطحين معمول التمر بالطحين
ما يميز معمول الطحين هو سرعة عمله اذا لا يحتاج تحضيره أن يترك ساعات او لليوم التالي توكلت عالله
وصفات ننصحك بمشاهدتها
التعليقات