مرقوق بالدجاج 🥘
طبخة خليجيه تراثيه لكل بيت طريقته فيها وهذي طريقتي 👌🏼
الخطوات
- 1
العجين: تعجنين العجين والماء يكون بالتدريج لما تحصلين على عجينه متماسكه لكن مو يابسه وتقسمينها كرات وترشين تحتها وفوقها دقيق وتخلينها ترتاح ربع او نص ساعه بعدها تفردين كل كوره وترشينها مضبوط بالدقيق
- 2
المرق: تحمسين البصل في السمن لما يذبل وتحطين الثوم والصلصه والبهارات الناعمه والماجي وتقلبينهم وتحطين الدجاج وتحمسينهم مضبوط
- 3
تضيفين الطماطم المعصور وتقلبينهم مضبوط وخليهم خمس دقايق يتسبكون مع بعض
- 4
بعدها تضيفين الماء المغلي و قرن الفلفل واللومي الاسود وتخلينه 10 دقايق على نار جدا هادئه تضيفين بعدها الخضار وتخلينه 20 دقيقه
- 5
وبعدها تضبطين الملح وتضيفين العجين حبه حبه يعني تضيفين حبه وتغطين الغطاء دقيقتين ثم تنزلين العجينه داخل المرق وتسحبينها على جنب وتضيفين الجديده وكذا عشان لا يلزقون ببعض
- 6
تخلين العجين يستوي ربع ساعه الى 20 دقيقه وتقدم وبالعافيه
- 7
ملاحظه : المرق لازم يكون وافر عشان الخضار تستوي والعجين... ايضا لازم تشيلين قرن الفلفل واللومي قبل تنزلين العجين عشان لا يتفككون داخل المرق
وصفات مشابهة
وصفات ننصحك بمشاهدتها
التعليقات (4)