بنقي الخبيزه وبغسلها بالملح والخل, حتى تنظف. وبحطها بالمصفاية, حتى تنشف من الماء تماماً.

بفرمها ناعم.

بقطع بصلتين تقطيع وسط, لا ناعم ولا خشن.

بعد ما يسخن الزيت, بنزل البصل.

بخلي البصل على النار, حتى يبدأ يتحول لونو على بني.

بنزل الخبيزه أول بأول. وبقلب بالملعقه الخبيزه يلي من تحت, بخليها من فوق والخبيزه يلي فوق بخليها من تحت.

حتى تنتهي الكميه.

بعد ما تستوي الخبيزه, بطفي تحتها وبضيف لها الملح.

وهيك بتكون إستوت. عند التقديم, بنعصر ليمون حسب الرغبه.

بقدم جنبها لبن رايب وبصل أخضر, بندوره, خيار وخضره ومخللات. وبتتاكل غماس بالخبز.

ملاحظه 1: نجاح الخبيزه بالزيت هو انكم تغسلوا الخبيزه قبل الفرم وتخلوها, حتى تنشف تماماً من الماء

ملاحظة 2: لازم تكون كمية زيت الزيتون كثيره.

ملاحظة 3: لازم تخلو النار عاليه تحتها.

ملاحظة 4: لازم تضيفوا الملح بعد ماتستوي الخبيزه. وأطفوا تحتها. بنضيف الملح بعد ماتستوي, مشان ماتنزل ماء الخبيزه. الخبيزه, ما بنضافلها إلا ملح فقط.