نخلط كاس الماء وكاس الزيت وملعقة صغيرة ملح مليح انزيدلهم نص ملعقة صغيرة خميرة حلوة ونجمع بالفرينة حطيت 4 كيسان ولميت ونص الكاس زدتو بالشوية لانو كاين فرينة (طحين او دقيق) الى تشرب وحركي حتى تتحصلي على عجينة ما تكون طرية ماتكون يابسة نغلفوها ونخلوها ترييح

نحلو العجينة مستطيل نحطو عليها خليط التوريق نبسطوه بالمغرفة على وجه لعجينة ورولي العجينة هي مستطيل روليها من الجهة الصغيرة موش الجهة لعريضة وحاولي تخرجي الهوا كي تكوني ترولي فيها تتحصلي على حربوش اقسميه على 2 قسم غطيه وقسم حليه لسمك نتاعو حوالي 2 ملمتر كي اجي ترفديه تحطيه في البلاطو نتاع الفرن روليه على الحلالة باش يجيك ساهل لرفيد

سقميها ملييح في البلاطو وحطي الحشوة نتاعك اختياري كاين الى يديرو شكشوكة نتاع لبصل انا وليدي ما يحبهاش ههههه حلى القسم 2 نتاع لعجينة وحطيه على الحشوة ونحي زوائد من اﻻطراف وبواسطة سكين قطعي مربعات ودهني الوجه بخليط البيض وقطرات خل وزينيها بالزيتون دخليها للفور الطيب من تحت شعليلها من فوق وشهية طيبة