نخرط البصل والفلفل الاخضر في الكبة ونحمرهم في زبدة او زيت لحد لونهم ما يصفر ننزل عليهم باللحمة والتوابل ومكعب مرقة الدجاج والطماطم المتخرطه ونقلب شويه لحد ما اللحمة تجيب ميتها وتشربها تاني ومنغطيهاش خالص خلال التقليب وبعدين لما تشرب ميتها نزودها حبة ماء ساخنة ونغطي ونهدي عليها النار لحد ما تستوي ، عصاج الرقاق والجلاش بفضل مسويهمش في عصير طماطم او صلصة متسبكة زي عصاج البشاميل او اللازانيا بتبقي اخف واحلي

بنجيب الصينية اللي هنفرد فيها الجلاش ندهنها زبدة ونبدا نفرد نصف كمية الجلاش وكل ورقة نفردها ندهنها زبدة وبعد ما نوصل نصف الكمية نحط اللحمة المفرومة نفردها كويس ونحط زيتون مخلل مخلي وجبنة موتزاريلا او ميكس الجبن ونفرد باقي كمية الجلاش برضه كل طبقة ندهنها زبدة

بعد ما نخلص كمية الجلاش نقطعه بالسكينة ونحضر كوب وربع لبن عليه بيكنج باودر "البيكنج باودر بيخليه مورق وهش" ورشة ملح وفلفل ونضرب فيه البيضة كويس ونصبه على الجلاش