بداية نخلط الطحين مع السميد ورشة ملح وفنجان زيت القلي.ونرشرشهم بالماء ونلف الطحين بالماء بطريقة دائريه لعمل المفتول ثم نضع الحبات الناتجه معنا في الكرباله الخاصة بعمل المفتول ونلف على اتجاه واحد حتى ينزل حبات المفتول من تحت الكرباله في صحن كبير كبير...وهكذا كل ما احتجنا ماء نرشرش الطحين ونلف حتى تنتهي كمية الطحين ثم ندهن مصفاة الحلة الخاصة بطبخ المفتول بقليل من الزيت ونضع المفتول الناتج...ونغطيه بفوطه نظيفه...ونضع المصفاة فوق الحله السفلى....في الحله السفلى نضع ماء مغلي مع مكعب ماجي ونصف ليمون

نرفعهم على النار ونضع الحمص المنقوع حتى يلين شوي وننتظر حتى يطلع بخار الماء من خلال المفتول والفوطه المغطى بيها...ثم نحسب ثلث ساعة بعد رؤية البخار...بعدها بيكون صار المفتول نصف استواء

في هذه الاثناء ننظف الحبش كويس ونملحه ونقلبه في حلة على النار ونضع عليه ورق غار وعود قرفه ومسامير قرنفل وحب هيل وحب فلفل اسود وحب بهار وملح وبصله مقطعه وبندورة مقطعه ونتركهم يتقلبوا خمس دقايق ثم نضيف باقي الماء المغلي لاكمال النضج...ونقفل الحله ونهدي النار حتى يستووا

نقشر كيلو ونصف البصل ونقسمه شوي من النصف وما نقطعه ونقلبه ونقليه شوي على النار حتى يتحمر شوي صغيرة ثم نضع عليه شوربة أو ماء مغلي...ونرش ملح ونضع الحمص المنقوع...وذلك لعمل الياخني في ناس بيقطعوا قرع اصفر ويضيفوه لكن صغاري ما بيحبوه...نضع مع البصل ملعقة الكركم والسماق..ونتركه يلين شوي ونضع البندوره منظفه وصحيحه حتى تنضج معه...

بعد ما ننزل المفتول نسكبه في صحن كبير ونعيد لفه في الكرباله وننزله من تحتها...نرشرشه بشوية شوربه ونلفه باصابعنا بحرص شديد حتى لا يعجن منا...ندهن المصفاة تاني ونضع نصف كمية المفتول... ثم نطحن الشبت الجاف خشن والكمون الحب وندق معه البصلة المفرومه والفلفل الاخضر ونوزعهم على الطبقه الاولى من المفتول ثم نضع النصف الباقي ونفرد ونغطي كل دقة البصله والفلفل ونضع المفتول تاني نفس الطريقه الاولى على النار ونراعي الماء في الحله السفلى يكون مناسب حتى لا يرتفع اثناء الغليان ويعجن المفتول يعني يكون مسافه.

نتركه حتى يطلع بخار الماء من فوق الفوطه المغطاه ونحسب ثلث ساعه وطبخ المفتول على نار أعلى من المتوسطه...وبعد هيك بيكون نضج ونسكبه في الصحن الكبير ونضع ملعقة مرجرين أو سمنه وهو ساخن ونحركها فيه حتى تسيح وتختلط...

التقديم...نضع المفتول في صينية التقديم ونرشرشه بشوربة الحبش ثم نضع ياخني البصل والبندورة على الحواف والحبش المسلوق بالمنتصف....ممكن تشوي الحبش بعد تتبيله بالصلصه مع الليمون...ويقدم صحتين