نحضر الكريمة اولا في كسرونة نضع الحليب و السكر و الفاني و المايزينة تخلط جيداً و نضعها فوق النار مع الاستمرار في الخلط

عند اكتساب الكريمة قوام ثقيل نضيف الجبن و نستمر في الخلط حتى يذوب الحبن في الكريمة

ننزعها من على النار و نضيفلها كريم ديسير كراميل و نخلط جيداً ثم نضعها في وعاء و نغطيها بورق شفاف و نضعها في الثلاجة

لتحضير الجينواز نخلط البيض و السكر و الفاني جيداً حتى يصبح لون الخليط ابيض

نضيف له الفرينة (طحين) و الكاكاو و خميرة الحلويات نخلطهم مليح بملعقة حتى يتجانس الخليط

من جهة اخرى نوجد مقلاة متلسقش ندهنها بزبدة و نفرغ نصف العجينة في المقلاة على نار هادئة نغطيها و نخليها طيب مدة 7 دقائق ثم نفتح عليها الغطاء و نخليها تنشف من فوق و نقلبها مدة 2 دقائق

نجهز الورق الشفاف نحط عليه الجينواز بعد ما طابت و نروليها و هيا سخونة و نضعها في الثلاجة في الوقت لي طيب في العجينة المتبقية

نجبد الكريمة من الثلاجة تكون جامدة نخفقها جيداً حتى ترجع كريمة

نحل رولي تاعي بالعقل و ندهنو بالكريمة و نرجع نروليه و التزيين اختياري انا زينتها بالسكر الناعم. بالصحة و الهنا