اول شي بنغسل صدر الدجاج ونصفيه ونقطعه مكعبات وسط كالشكل

بعدا بنبلش نحضر تتبيلة الدجاج : بوعاء بنحط ٤ ملاعق كبيرة لبن وملعقة كبيرة دبس بندورة وملعقة كبيرة دبس الفليفلة الحلوة وبنحط بهارات التتبيلة..البهارات الابيض والاسود الكركم الكاري بودرة الثوم و الزنجبيل وفليفلة حمرة رش او بابريكا مع الملح ونحرك جيداً حتى تختلط جميع المكونات مع بعضها

..

بنضيف خلطة التتبيلة فوق مكعبات الدجاج

بنحرك لتمتزج كل مكعبات الدجاج بلتتبيلة وبعدا بنغلف الوعاء بنايلون شفاف وبنفوته عالبراد لتتشرب مكعبات الدجاج النكهة جيداً

بعد ساعة بنطالع الفروج من البراد وبنحط فوقه حلقات الجزر وشرائح البصل والفليفلة المفرومة خشن ونحركها جيداً لتأخد من التتبيلة وبنحط فوقن زيت نباتي حسب النظر بحيث مابكون قليل لحتى ماتنشف وتحترق ولاكتير يعني وسط وبنحطا بصينية الفرن

تدخل الى الفرن على حرارة ٢٠٠ درجة تقريبا حتى تنضج تمامأ مع التحريك كل فترة وتترك حتى تتحمر

حتى استواء الدجاج بنجهز الرز بنعبي طنجرة ماء وبنحطلها مطيبات لسلق الرز يلي ذاكرتا بلمقادير يلي هيه ورق غار وحب هال وحب قرنفل وبهارات حب وعود قرفة وملح

بس بلشت المي غلت بنصفيا

وبنطب الرز بعد مانكون غسلناه مظبوط وبنتركه يغلي حتى تسوى الرز

بس استوى الرز بنصفيه مظبوط ومنكب ميته

وبنتركه ع جنب ليصفى.. بعدا بنجيب مقلاية وبنحط زيت نباتي فيا وفوقه البصلة المفرومة شرائح وملعقة صغيرة كركم

بنقلين سوا حتى تدبل البصلة وتاخد اللون الاصفر

بعدا بنحط البصلة والزيت فوق الرز وبنقلبن سوا حتى ياخد الرز اللون الاصفر وبنرجعن عالطنجرة بنجهز فحمة عالغاز بس تشتعل بنعمل حفرة بنص الرز وبنحط فيا ورق سولفان وجواه الفحمة المشتعلة وبنجيب اصبع زبدة بنحطا فوق الفحمة وفوراً بنسكر غطا الطنجرة وبنلفه بالنايلون الشفاف اكتر من مرة حتى تبقى الدخنة جوا ويصير طعم الرز مدخن وبنحط الطنجرة ع اوطى نار لمدة عشر دقايق او ربع ساعا

بس يجهز الرز بنصبه وبنحط فوقه الدجاج المحمر وبنزينه بلمكسرات المحمصة والزبيب وب شرائح ليمون.. وتقدم كطبق رئيسي.. وصحة وهنا..

..

..