منخلط النواد الجافة مع بعض منضيف اللبن والماء الدافي وبخلط كتير كتير منيح وهاد اول سر خفق العجينة كتير منيح

لاتصيح قوام العجينة لاكتير سائل ولاكتير سميك بغطيه وبتركو يرتاح ساعة لاساعتين هاد تاني سر اهم نجاح العوامات رياحة العجينة

هلق بعد مرور ساعة منخبط العجينة ومنخفقها كأني عم اخفق بيض وهاد السر التالت خبط العجينة ورفعها لفوق قدر الامكان

والسر الرابع اضافة بودرة الكاسترد والنشا والسميد بيعطي قرشة لاالعوامات غير شكل

منحمي الزيت وبيكون جنبنا صحن فيه زيت وملعقة مناخد قليل من العجينة وبغطس الملعقة بالزيت وباخد قليل من العجينة وبنزلها بالزيت

السر الخامس لازم تنزل العوامة بشكل دائرة هاد سر نجاح العجينة اذا طلعت اشكال معناها العجينة لسا بدها رياحة اكتر نص ساعة

اهم شي الملعقة يلي غطسناها بالزيت واخدنا قليل من العجينة مانرفها كتير من على المقلي الزيت عشان تنزل بسرعة بالزيت وماتعمل اشكال وهاد هوي اهم سر ليعطي العوامات شكل مدور حلو

بس نخلص اول دفعة منرفعن على مصفاية لينزل الزيت الفائض والعجينة برد بخفقها كويس بلملعقة قبل ما أعمل الدفعة التاني وهاد السرالسادس

بتركن يبردو تماما ساعة او ساعتين او حسب فضاتك برد بحمي الزيت وبقلين لياخدو لون حلو وبنزلن بالقطر البارد والسميك

اهم شي القطر يكون بارد وسميك منزل اول دفعة عوامات بالقطر دوبك نغطسن ونشيلن وهاد هوي السر السابع بيضلو مقرمشين مافيهن كتير قطر

اهم شي عشان العوامات تفضل مقرمشة تفضل برات البراد وكمان مانغطيها يعني تضل مكشوفة

أضافة بودرة الكاسترد للعجين تعطي لون حلو وأضافة قليل من الزعفران للقطر يعطي لون حلو للعوامات

أضافة القطر للعجينة بعطي لمعة حلوة للقيمات واضافةالزيت مهمة للعجينة