نبداو بتحضير العجينة نخلط زبدة و سكر رطب مع بعض مليح ثم نضيف بيض نخلط حتى يولي كريمي وابيض نضيف زيت مع خلط من بعد نضيف نشاء و شوكولاته و كاكاو و عطر ونخلط مليح ثم نضيف خميرة ونشيح بالفرينة نخليها طرية منيبسهاش نخليها ترتاح نص ساعة ونطرحها و نطبع بالطابع الجوزة ونحط في صينية الفرن ونطيبها علىنار قليلة

بالنسبة لتخضير كريمة نجيب صحن فيه زبدة مع سكر رطب نخلط بالباثار مليح ثم نضيف براليني و عطر مع مواصلة الخلط من بعد نضيف فنجان زيت بتدريج وخلط مستمر حتى يرجع كريمي. نحطها في ثلاجة تبرد حتى تحكم روحا ونلصق بيها حبات صابلي

اما القلاصاج نجيب صحن نحط فيه ربع فنجان زيت مع ماءو ماء الورد و ملون نخلط كل مع بعض و نضيف سكر رطب بتدريج حتى يولي عندنا كريمة تقيلة مليح (بالنسبة ليا نحبها تقيلة بزاف باه ندير كوش واحد منزيدش نعاود فوقها)

ونطلي بيه حبة الصابلي نخليه يشيح شوي ماشي بزاف نحط جوز انا استعملت كاوكاو هذا لي كان عندي و على حواف دهنتو بكونفيتير و مررتو بالكوكاو

نفس المقادير نص درتو بالقلاصاج و نص خليتو هكيك

بالنسبة لقلاصاج انتو و ذوقكم حبيتوها تقيل او مليح برك