نخلط الزبدة و الزيت و السكر و حبة و صفار حبة بيض و فانيليا حتى ترجع كيما اي مثل البرمادة و نضيف الفرينة (طحين) و الخمارة ربع م صغيرة حتى تولي عجينة طرية نخليها ترتاح

نجيب اي نوع من لي مول تاع قاطو النيسلي و ندير كويرة وزن 9 غ تقريبا و نفرشها في المول و نثقبها بالفرشيطة و نكمل بنفس الطريقة نطيبها ملتحت ممبعد ملفوق و نخرجهم

نشري قوط نستله كراميل و نعمرهم بيه ندير حوالي ملعقة صغيرة نستله لكل حبة و نذوب الشوكولاته و نحاول نكمل الفراغ بالشوكولاته نغطي كل كمية النيسلي و نزين بالي حبيت كما انا التزيين ذوبت شوكولاته بيضاء و درت سوتاج ملفوق للتحت و حكمت راس السكين و ضربت خط في وسط سوتاج ملفوف للتحت خرجلي هاد الشكل

ملاحظة اذا حبيتي تصنعي نستله ديري كاس سكر فكاسرونة على نار هادىة حرقيه و خلطي فالمكسور كاس سكر و كاس لحظة (حليب بودرة) (حليب بودرة) و ملعقتين نشاء و ملعقتين ماء طحني كلشي مليح كي يتخلطو ضيفيهم فوق السكر المحروق اي الكراميل و خلطي حتى يذوب هداك الى تحجر و طفي و ضيفي لاروم كراميل او فانيلا و ملعقة زبدة و خليه يبرد