في طنجرة نضع زيت و حبة بصل مسكرفجة (مفرومة) وثوم ونقلي مليح ثم نرمي لحم مفروم ونقليه مع بصل وثوم ونزيدله لحار مفروم ونقلي ومن بعد نزيد توابل وملح

كي يوجد نطفي عليه ونخليه يبرد

ودروك نوجدو بيشاميل في كسرونة ندير مغرف زبدة كبيرة نذوبها ونزيد عليها مغرف كبيره فرينة (طحين او دقيق) ونحمصها مليح باش ماتجيناش بنة فرينة (طحين او دقيق)

و من بعد نزيد عليها زوج كيسان حليب بتدريج ومن بعد نزيد وحدة فرماج (جبنة) شاف ونذوبها ونقعد نخلط ونزيدلها شوية فلفل اسود وشوية ملح حتى تبدا تعقد نطفي عليه

ومن بعد نجيب معكرونة نتاعي لي سلقتها نزيدلها بيشاميل لي وجدتو نخلطهم مليح لازم تكون صلصة بيشاميل كثر من معكرونة

من بعد نجيب بلا نتاعي لي كنت دهنتو بزبدة نفرغ فيه جزء الأول من معكرونة ومن بعد نزيدله طبقة من لحم مفروم لي كنت طيبتو ومن بعد نكمل جزء ثاني من معكرونه ومن بعد ندير فلوجه فرماج (جبنة) مرابي وندخلو للفرن حتى يذوب ونخرجو وتاكلوه بصحة والهنا