في جفنة نغسل البربوشة تاعي ونحطها تنشف بعدما تنشف نديرلها الزيت ونفورها المرة الاولى بعدما تفور نضيفلها الزبدة والملح ونحرك بأطراف الأصابع ثم نضيف الماء بشوي حتى تشرب الماء نخليها تنشف شوي ثم نفورها المرة الثانية ونزيد نعاود المرة الثالثة بنفس الطريقة لي يحب يفور مرتين عادي انا ندير مرتين وندير ثلاث مرات باه تتنحى رائحة العجين فقط

في كسرونة نغلي الفول وحدو إذا كان موجود انا ملقيتش ونزيد في كسرونة اخرى نضع اللفت يطيب (يستوي)وبعدو نضيف البطاطا والجريوات وفي الاخير البصل وأي اضافات خضر اخرى تبقى اختيارية

بعدما طيب الخضرة تاعي نصفيها و نضيفلها الحليب والملح وشوي فلفل اسود ونخليه يغلي ونسقي بيه البربوشة بعدما نكون ستفناها في الطبسي وبصحتكم