اولا بسي السميد بلمرغرين ذايبة و ملح و فانيليا بسيه مليح بيدك ثم اتركيه يبات ليلة كاملة لازم يبات هاذي الخطوة اجبارية حتى تنجحلك الوصفة و غدوا من داك قبل متبدي تشمخيي فيه نحي كمية قليلة من داك سميد

وخليها على جهة تجيبي الكيلة تاع ماء و ماء الزهر و تبدي ترشي بلعقل و تحركي باطراف الاصابع فقط اكررر لا يعجن سينو يجيك حجرة تقايسي بها الميت يفطن😂

وعجنتيه مليح بلمرغرين ديريه وسط الحربوش و غلقي مليح مليح باش مينحلكش فل مقلاة و من فوق رمديه بهذاك سميد لي نحيتيه قبل متشمخي العجين باش يجيك مرمل

منبعد بشويا بشويا تبدي تحسيي انو العجينة بدات تتجمع تماك حبسي و شكلي حربوش و جيبي حربوش الغرس او التمر بعدا تكوني خلطي مكونات السابقة و فورتيه على البخار مدة دقائق فقط

منبعد طبعي حبيبات تاوعك و سقميلهم لافورم مليح و تكوني سختي زيت منبعد خلي نار متوسطة شتفي حبيبات لمقروط فل شباك و دخليه للمقلاة وخليه يطيب (يستوي) متحمريييهش بزافمنبعد من مقلاة مباشرة للعسل يكون ثقيل و بارد و لمقروط ساخن و خليه يتشرب مليح ممبعد خزنيه في علبة و زيدي قيسي فوقه العسل و لميه