في الاول هاتبل صدر الفرخه بالزبادي وباقي المكونات واخليها على الاقل ساعة.. بعد كدا هاجيب الطاسه واحط معلقتين زيت وانزلهم فيها لحد ما تستوي كدا هاخدها على البلانشه وافتفتها ونفس الطاسه اللي عملت فيها الفراخ انزل بالفلفل الرومي والحامي والبصل ونقلبهم لحد ما تذبل وننزل عليهم الجزر المبشور

انا طبعاً تبقى عندي من تتبيله الفراخ ارميهم لا طبعاً قمت نزلتهم على الخضار خلت طعم الخضار جميل جداااااا وبعد كدا حطيت بهاراتي وكمان ورق لورا ونزلت عليهم الفراخ بعد ما فتفتها وقلبتهم كويس وغطيتهم اشويا لحد ما استو مع بعض وطفيت النار وحطيتهم على جنب

نجي بقى للتوست.. هانقطع حواف التوست ونفردو بالفراده بتعت العجين نأخذ طبعاً واحده واحده و نجهز البقسماط في طبق مفردو ونحط البيض وعليه رشه ملح وفلفل اسود.. بيض بس اوعي تحطي مع البيض لبن التوست هايبوش منك 😉 ونعمل التوست نفس خطوات البانيه بالزبط نحطو في البيض وبعدها البقسماط ونقليه في الزيت بس على نار هاديه

نطلعو على ورق المطبخ ونخليه يتصفي اكويس.. بالسكين براحه هاتفتحيه بس يبرد او وهو سخن براحتك في كلتا الحالتين هايفتح معاكي.. و هاتحطي فيها الحشوات اللي تحبيها حاجه سهله وبسيطه ومشبعه جداً و الكل هايحبها وبالهنا والشفا ✌️