منغسل الفاصوليا ومنصفيا منحمس الكزبرة والثوم واللحمة على نار هادية لمدة عشر دقائق

بعدين منضيف الفاصوليا ومنحركا مع المكونات ومنتركا نص ساعة

منضيف البندورة والملح ومنغطي الطنجرة واذا البندورة قليلة منضيف كاسة ماء مع ملعقة صغيرة دبس بندورة ومنتركا ساعة ومنطفي تحتا يعني بس تستوي البندورة

الرز اكيد بدو ان ننقع ساعة وبعدين منصفي

منحط طنجرة منضفلا زيت او سمنة حسب الرغبة منحمص الشعيرية بس تحمر منضيف الرز والملح وكعب ماجي ومنحرك

بعدين منحط ماء ومنغطي الطنجرة حتى تنشف الماء منحرك الرز على الوجه ومنتركو خمس دقائق ومنطفي تحتو

تقدم ساخنة ومع فليفلة خضرة والف صحة وهنا