نبدى بالكسرة ولي نسموها المرخوس تحطي مثلا قيس زوج كيسان للخبزة زوج مغارف زيت وشوي ملح نلموها بالماء عادي ونفتحها بالحلال حتى تولي سمكها تقريبا نص سنتيم

في جهة نحط فلفل في المهراس والثوم ونحط عليه الطماطم حب بعد ما نكون رحيتها نضيف ليه توابل راس الحانوت مغرف وشوي تاع قهوة وفلفل احمر مغرف ولا زوج حبة حلاوة شوي سكر مش بزاف وملح وشوي زيت عينك ميزانك وطماطم مصبرة ومعدنوس والكسرة

نطيبها ونفتتها ونضيفها لاصوص في المهراس ونكون سخنت الماء مليح مليح ونخلط كلش مع بعض بالرزامة ومضيف الماء وما نكثرش حتى يولي جاري بزاف ضيفي الماء كيما اي مثل راه في لفوطو

توصيات:من الاحسن تخلي ما تطيبيش الكسرة حتان (حتى) تولي راح تاكليه لانو قد ما تكون كسرتو سخونه راح يكون بنين

الحوش هذي بلديه في مدينه بسكرة ومشهورة بهذا الطبق لي يسموه في المسيلة زفيطي لكن عندنا تختلف طريقه التحضير

قد ما يكون حار قد ما راح يجي هايل