هنجيب صدور فراخ مخليه والكيلو يكفى من ثلاث ل اربع افراد ونقطعها بالطول زي كده ونجيب بوله نحط فيها بهارات فراخ وملح وفلفل ويا سلام لو شويه ماء بصل او بصل بودر ونسيبهم ساعتين في الثلاجه او ليله كامله ميضرش..
ونجيب بوله تانيه نحط فيها كوب دقيق وربع كوب نشا ومعلقه بيكنج باودر وبابريكا وشويه فلفل اسود ونقسم الخليط ده نصين

نص هيبقى في البوله زي ما هو والنص التاني هنحطه في كيس بلاستيك او بوله اكبر وعليه نص كوب لبن بحيث ان القوام يكون مش سايل ومش عجين يعنى يا دوب ماسك كده..

وهنطلع الفراخ بتاعتنا ونكون مجهزين زيت غزير في طاسه على النار ساخنه ونحط الفراخ في الطبقه الناشفه وبعد كده في الطبقه اللي فيها اللبن ونكرر نحطها في الطبقه الناشفه ثاني وفي الطبقه اللي فيها اللبن ثاني.. يعنى بنحطها مرتين في كل طبقه عشان تعمل معانا طبقه مقرمشه ولذيذه كده🍗🍗 وبناكل جنبها بطاطس محمره بقى وشويه كاتشب ويا سلام لو شويه رز اصفر 🍜