الكأس المستعمل في هذه الوصفة هو كأس 250 مل ، مكونات هذه الوصفة ديرلي بلاطو واحد تاع 40/40 أولا في وعاء التحضير نحطوا الحليب الدافئ والبيض والزيت ملعقة خميرة ملعقة سكر ونخلط جيدا بإستعمال برا ميكسور

بعد تجانس المكونات نزيد الكاس ونصف تاع السميد ونخلط بالميكسور مليح حتى يتجانس جيدا وتحسوا السميد ذاب.

بعد هذه المرحلة نبداو نلموا بالفرينة بالشوي مش تصبوا كاسين تاع فرينة مرة وحدة إذن نضيف الفرينة ونعجنوا حتى نتحصلوا على عجينة طرية مي ماتلصقش هنا نضيف الملح. نخليها تختمر لمدة ساعة كاملة

بالنسبة للصلصة كل واحد وطريقته، أنا نطيب الطماطم وحدها نقطعها ونحطها في وعاء لي نطيب فيه ومنزيدلها والوا لا ماء لا توابل لا ملح درك هي تسيب الماء تاعها

بعد ما طيب الطماطم نقشرها ونرحاها مليح ونحطها في مقلة فاها شوي زيت ونزيد نضيفلها بصل وثوم مسكرفجين ونحطوهم على نار هادئة كي تبدى تغلي نضيف فلفل أسود وملح وزعيترة لكان عندك و معدنوس مقطع ونطفي عليهم نخلي النكهات تمتزج

التزيين حسب الرغبة أنا حطيت زيتون أسود و سردين و مايوناز