الجينواز: في إناء نحط 4بيض مع كأس سكر و نطلعهم مليح بالباتور حتى نتحصل على خليط أبيض نحبس الباتور و نزيد كأس فرينة و ملعقة صغيرة فانيلا و نبدا ندخل الفرينة فالخليط بالملعقة فقط حتى يتجانس الخليط و نحط فالصينية لي نحط عليها ورق الطهي وندخلها للفرن مدة 15 دقائق.

نعيد نفس العملية للحصول على 2 بسكوي..

كريمة الشانتي: نحط كأسين من بودرة الشانتي مع كأس ونصف ماء بارد و نطلعهم مليح بالباتور حتى نحصل على كريمة متماسكة.

بعدما نكون حضرت كل شيء نحط لمول لي نخدم بيه أنا درت شكل قلب نحط فيه طبقة من الجينواز و نشربها مليح بحليب يكون بارد بعدها نحط كمية من كريمة الشانتي و نسويها كامل على الجينواز بعدها نحط قطع من الموز ونعاود نحط طبقة أخرى من الجينواز و نكمل بنفس الطريقة حتى نكمل كامل الطبقات وطبقة الأخيرة لازم تكون من الكريمة ونخليها فالثلاجة حتى تحكم روحها مليح....

بعدها حطيت الكريمة الشانتي لي فضلتلي في بوش وحطيتها على الحواف... وكملت زينت بالفواكة وأشكال من الشوكولاطة كما هو موضح فالصور

وبصحتكم 😋❤