نقي البطاطا وقطعيها كريات وقليها مع اضافة القليل من الملح

في مقلاة حطي الثوم لي تكوني رحيتيه وضيفي القليل من الملح والقليل من الفلفل الاسود وملعقة صغيرة كمون وزيت وحطيها فوق الفرن تتقلا شوية منبعد ضيفي حبة الطماطم تكوني رحيتيها وخلي حتى يطيب (يستوي) الثوم وضيفي كمية السلق مع شوية زيت والزيتون ايفلي وخليه يتقلا مليح مليح حتى ينقص الكمية يزيد يذبال وينشف من السوائل لي فيه ويتقلا يولي بنين

في غيصبيو فرغي كمية السلق وضيف عليه كمية من صوص البشمال حوالي اربع ملاعق وحركي جيداً منبعد ضيفي كمية البيض وحركي الكل مع بعض منبعد فرغيه في بلا لي يمشي للكوشة صاوي الصطح مليح منبعد فرغي كمية البشمال حتى يتغطا الصطح كامل منبعد رشيه بلفرماج رابي ودخليه للفرن يكون مسخن مصبقا وخليه حتى ينشف وشعليلو ملفوق يحمر شوية وطفي عليه ويبرد شوية وقطعيه وقدميه للعائلة نتاعك بصحة والهنا وشهية طيبة للجميع