نسلق المعكرونة مع شوية ملح وزيت زيتون نص سلقة.

نسلق العدس ونرشلو شوية ملح وبنقطع بصلة صغيرة ومنحطها مع العدس.

منغلي باكيت التمر هندي بخمس كاسات ماء او ما يعادل لتر تقريبا على نار هادية (ما بعتمد على مقدار معين - لكن ماء التمر الهندي سيستخدم مع العدس والمكرونة لاحقا)

منقطع البصل اقمار ومنقليهم بزيت الزيتون حتى يذبل وياخذ اللون البني للتزين.

نصفي المعكرونة ونصفي العدس ونضعهم مع بعض ونضيف ماء التمر الهندي حتى يغمر المحتويات ونرش الملح والفلفل والكمون ومنزبط الحمض باضافة عصير الليمون والملح بحسب الرغبة ممكن اضافة دبس الرمان اذا احببتم ذلك.

منقلي الكزبرة والثوم ومنضيف جزء منها تقريبا النصف للطبخة والباقي نخليه للتزين .

بس تبلش تجمد شوي مرقة العدس والمعكرونة وتكون جميع المحتويات مستوية منصبها بالصحون الغميقة او بالبايركس اللي بتشوفيه مناسب وبتزينيه على ذوقك بالكزبرة المقلية مع الثوم والبصل وقراميش الخبز😋

على فكرة في ناس بتحب تاكلها باردة وفي بياكلوها صخنة تعودنا ببيت تاتا ناكلها باردة 😊 وصحتين وألف هنا ♥️