اول حاجة بنعملها الجليز ، بندوب الشيكولاتة و الزبدة و العسل علي البخار و يعدين بنشيلها من عالنار و نسيبها تبرد لغاية ما تتقل.

بنسخن الفرن علي 180 درجة سليزية او 350 فهرنهايت .
بنحضر قالب الكيك ، بمسحه بزيت او زبدة و ارش دقيق .
ممكن نستخدم صينية عادية او قالب مستطيل.

في طبق صغير بنحط الكاكاو و الميه المغلية و نقلبهم كويس لغاية ما الكاكاو يدوب في الميه و نسيبه علي جمب يبرد.

في طبق عميق بنحط الزبدة و نضربها بمضرب سلك كهربا او في الكيشن ماشين لغاية ما تبقي فلافي و خفيفة

بعدين نضيف السكر والفانيليا و نضرب كتير لغاية ما يبقوا فلافي و الزبدة تبقي فاتحة.

بعد كده نضيف البيض بيضة بيضة و يعد كل بيضة نضرب كويس لغاية ما تتجانس مع الخليط.

بعد كده هنضيف الكاكاو اللي كنا خلطناه بالميه

ده شكل الخليط بعد ما خلطت الكاكاو

بعد كده هنضيف نص الدقيق و نقلب كويس

بعدين معلقة لبن و نقلب كويس .
و بعد كده نضيف باقي الدقيق و اخر حاجة اللبن .

هنصب الخليط في القالب و ندخله الفرن لمدة نص ساعة او اكتر علي حسب احنا نشوفها بعد نص ساعة استوت ولا لا ولو لا بنزو 10 دقايق و هكذا .

ده شكلها بعد ما طلعت من الفرن و بردت هالص و قلبتها

اخر حاجة بنضيف الجليز بالشكل ده و بالهنا والشفا 😍