اولا نقوم بغسل اوراق الملفوف جيداً ونملحهم ونحطهم يفورو

نحط في صحن اللحم المرحي او صدر دجاج مرحي نضيفله ملح وراس الحانوت فلفل اسود ثوم مرحي كزبر او حشاوش مقطعين رقيق وحبة بيض ونخلط كلش مع بعض مليح

نجيب ورقة من الكرم ونحط فيها القليل من الحشو ونلفها

من جهة اخرى نكون وجدت كسرونة فيها حبة بصل مقطعة رقيق وتوابل وثوم وفلفل اسود وشوية كركم ونقليهم مليح ونمرق بكمية قليلة من الماء ونحط لفائف الكرم لي وجدناهم ونضيف عليهم الماء قيس ما يتغطاو شوي برك ونضيف كمية الحمص مشمخ

كي طيب دولمة تاعي نحي الحبات ونخليهم يبردو ثم نغطسهم فالبيض ونرمدهم فالخبز مرحي او شابلور ونقيلهم في زيت ساخن حتى يتحمرو

ونقدمهم مع المرق والحمص وتقدرو تضيفو معاهم بطاطا مقلية