اولا نحكم بلاطو او مول نستف فيه القاطو نتاعي بعد منكون غمستو في الحليب ونغطي بيه كامل القاعدة نتع البلاطو

من جهة اخرى نحكم قدرة نفرغ فيها نصف لتر من الحليب فوق النار كي يبدا يغلي نضيفلو علبة فلان ذوق كراميل و2 ملاعق نشاء و2 ملاعق سكر نخلط كلش مع بعض حتى يعقد شوي نفرغو في البلاطو نتاعي فوق القاطو والى المجمد كي يجمد نحيه

نجي للطبقة الثانية نحكم قدرة نفرغ فيها نصف لتر الحليب لي بقالي فوق النار كي يبدا يغلي نضيفلو علبة فلان ذوق شوكولاته و2 ملاعق اكل نشاء و2 ملاعق سكر وملعقة اكل كاكاو نخلط بالفوي حتى يعقد نفرغو فوق الخليط الاول نتع القاطو و فلان كراميل والى المجمد حتى يتماسك