ثم بعد ما تركح تزيدي تعجنيها بلا متقطعيها بمعنى اخر ديرها كيما فالصورة ،تعجنيها مليح مليح مليح ثم تبداي تزيديلها الماء حتى تولي بالقوام المطلوب يعني طرية. العجن اساسي لازم تعجنيها مليح تشكليها كرات من الاحسن صغار بش مديرلكش بزاف حواشي وتخليها من الأحسن 3 ساعات قد ماطولت تجي توب

منبعد نطيبوها ونفتتوها بحجم يكون كبير

المرق: ديري حبة بصل كبيرة تفرميها مع 2مغارف كبار طماطم مصبرة والدجاج والتوابل والزيت وفنجان ماء يتقلاو كامل على نار هادئة ثم تضيفي الخضر تاوعك بعد ماتنضفيهم وتقصيهم وتخليهم يتقلاو قبل اضافة الماء

معلومة مفيدة: اذا يبستلك الشخشوخة تاعك، كيما انا غفلت عليها مغطيتهاش يبستلي شوية فوريها ترجع كيما كانت