ورق عنب بلحمة أو يبرق😋
طريقة ماما الساحرة بطبخ اليبرق الله يخليلي ياها يا رب💕 #باللحم_المفروم #وصفات_بالارز
ورق عنب بلحمة أو يبرق😋
طريقة ماما الساحرة بطبخ اليبرق الله يخليلي ياها يا رب💕 #باللحم_المفروم #وصفات_بالارز
الخطوات
- 1
بنحضر الحشوة و بنخلط الرز مع اللحمة الناعمة والفلفل الاسود والسبع بهارات والنعنع اليابس والملح وماح الليمون وبنخلطن منيح.
- 2
بنطلع ورق العنب من التلاجة لحتى يفك عنو التلج(شوفو طريقة تفريز الورق اذا حابين) وبننقعو بمي باردة وبس يفك بنكب المي الباردة وبنحط بدالا مي دافية.
- 3
بنحشي ورق العنب بحشوة الرز واللحمة وبنلفو بالطريقة المعتادة.
- 4
بنجهز الطنجرة اللي بدنا نطبخ فيا وبنقطع البندورة شرحات وبنصفا بالطنجرة من تحت وبنقشر البطاطا وبنقطعا شرحات وبنصفا فوق البندورة (طبعا لحتى ما يحترق ويلزق ورق العنب)
- 5
بنصف ورق العنب ع داير الطنجرة وبين طبقات الورق بنحط شرحات اللحمة والدهنة و بالنص بنحط العضم (للتوضيح: الطريقة اللي بنصف فيا ورق العنب بالطنجرة بتشبه شكل صورة الوصفة لحد كبير)
- 6
بنحط فوق الورق الملح و ملح الليمون والتوم بنعبي الطنجرة مي بحيث انو تعلى المي عم سطح ورق العنب مسافة 4 أصابع تقريبا وبنغطي الطنجرة بغطا أصغر من غطاها وبنحط فوق تقل لحتى ينضغط ورق العنب وما يفلش.
- 7
بنحط الطنجرة ع نار عالية وبس تغلي المي بنضعف الغار متل الشمعة وبنتركا تنطبخ ع اقل من مهلا.
- 8
انا بخليا تنطبخ طول الليل ولتاني يوم (تقريبا 24 ساعة)بس طبعا اللي بدو يتبع هالطريقة بالطبخ بس يدير بالو بالليل انا بحاول إني فيق مرة او مرتين وطل عليا تجنبا لأي مفاجأة غير سارة.
- 9
لازم بآخر الطبخة وبعد.ما تشيلو التقل يضل ربع الطنجرة او تلتا مي ما اكتر.
- 10
بنقدم ورق العنب مع ليمون حامض ولبن ونعنع. يا رب تعجبكن طريقتي وصحة وألف هنا😙😙😙
وصفات مشابهة
-
ورق عنب بلحمة
بطرابلس عيد يعني اول يوم عالسفرة بتشموا ريحة الورق طالعة من كل بيت... ملك السفرة بأول يوم العيد#عيد_الاضحى#dima_cooking
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
ورق عنب
لكل كيلو رز نصف ٤٠٠ جرام لحم مفروم و٢٠٠ غرام ليه غنم مطحونه وهذه إختياريهلكم الخيار بزيادة أو إنقاص الكميه بنسبه وتناسب
-
-
-
ورق عنب ❤️
جربت طرق للورق عنب لحد ما وصلت لهالطريقة السهلة و السريعةحبيتها لأن فيها حموضة و حرارة و أقدر أتحكم في المكونات براحتي و ما التزم بشي و دائماً تطلع خيااالية الحمد لله
سهلة و سريعة -
وصفات ننصحك بمشاهدتها
التعليقات