منحط ملعقة الزبدة او السمنة بمقلاية على نار هادية و منحميا لتدوب و بس دابت منحط فوقا السميد الخشن

منحرك السميد باستمرار و منقلبو و مناخدو يمين يسار لحتى ما يحترق و لحتى يتحمص مظبوط. و بمجرد صار لونو دهبي منطفي النار

منحط ب طنجرة الأربع كاسات مي و كاسة و نص السكر و منشعل تحتون نار عالية و منتركون ليغلو

بمجرد ما تبلش المي تغلي منرمي السميد و منحركو شوي تحريكات لحتى ما يسمك كعبو

بعد الانتهاء من التحريك البسيط منرمي بالطنجرة ملعقة او زبدة او سمنة و منوطي النار شوي و منغطي الطنجرة و منتركا 8 دقايق.مع إجراء تحريكة في الدقيقة الرابعة

عالدقيقة التامنة منطفي النار و منسكب.بتتقدم مع القرفة ، و الفستق لي بحب. لا تنسو تشاركونا تجاربكون الحلوة. و صحة و عافية