نفرم البصلة ناعمة ومنقليها بالزيت

ونضع فوقها قليل من حب القرنفل ونقليهم

ونضع لكل كاسة رز ملعقة طعام بهارات المندي ونقليهم ونضع ماء او مرقة اللحمة عيار الرز مع عيار الملح حسب الرغبة

ومنتركهم حتى تنشف الماء منطفي النار ونعمل داخل الرز حفرة ونضع بشكل طولاني منكون مدوبين نص ملعقة صغيرة ملون الزعفران بفنجان قهوة من الماء ونسكبهم بخط طولي فوق الرز

ونضع ورق قصدير داخل الحفرة بين الرز ونشعل فحمة ونضعها فوق القصدير ونضع فوقها قليل من الزيت ومنغطي الطنجرة بالغطاء وفوقها بشكير لتحبس بخارها والتدخين ودون تشغيل النار ونتركها نص ساعة

ومنكون على جنب سلقنا الدجاج وحمرناه بالفرن واذا حبينا اللون يكون احمر ومنحط شوي من ملون الزعفران

ومنكون ناقعين على جنب الزبيب منقليه شوي مع القلوبات يلي منحبها

منسكب الرز وفوقه منحط الزبيب والمكسرات ونصف الدجاج فوقهم وهيك بتكون خلصت طبختنا وصحة وهنا