كلزون🍕بيتزا بالدجاج🍕
طعمممم روووعة Deleicious 👍👍
الخطوات
- 1
🌟عجينة الكلزون🌟 فورت 2ملعقة الخميرة مع 2ملعقة السكر و 1ملعقة البيكنغ باودر بكأسين الماء الدافي وتركتها من 5 إلى 7 دقائق لتفور... _وبعدين أضفتهم لوعاء وضفت عليهم الملح و2 كوب الطحين وتركتهم 10 دقائق..._بعدها أضفت عليهم 3 كوب كبير طحين و2 ملعقة كبيرة حليب بودرة ونص كوب كبير زيت نباتي _حركتهم مع بعضهم لشبكوا منيييح وبعدها عجنتهم بالاستعانة برشة طحين ممكن تلزق شوي باليد ضيفولها طحين وادعكوها منيح واحملوها واخبطوها بالوعاء نفسه بتعطيكم نتيجة ممتاااازة.. _ وغطيتها لتختمر ساعة ساعتين..
- 2
نفرد العجينة بشكل مستطيل بسماكة عادية لأن رح يصير حجمها على مرة تانية. ونصنع شقوق بالسكين أو مدرج البيتزا عالميل عطرف من أطراف المستطيل. أو بإمكاننا نساويها بشكل دائرة كبيرة ونطويها متل البرك بدون صنع عشقوق.
- 3
نضع عليها صلصة البيتزا وهي عبارة عن بندورة مقطعة لأرباع أرباع بلخلاط... ونضيف زيت زيتون بوعاء ونقلي بصلة مفرومة عالناعم وسن ثوم ونتركها تغلي عالنار لتختر ثم يضاف لها ملح ورشة أوريغانو وملعقة سكر.. وتترك 🌟لتبرد🌟 ملاحظة هااامة: لاتوضع صلصة البيتزا وهي ساخنة على العجين لأن العجين سوف يعجن ويتخزق..
- 4
ثم قطع الدجاج (بعد مانكون ناقعينه برشة ملح وفلفل وهيل ناعم وخل وبابريكا وبودرة ثوم وفليفلة حلوة وزنجبيل ورشة زيت زيتون لمدة ساعة ونقليهم بزيت نباتي ليستوي يعني مانحط الدجاج نيء داخل العجينة).
- 5
ثم نضع شرائح فليفلة خضراء وحمراء وفطر وزيتون وذرة ورشة قشقوان أو موزريلا ورشة أوريغانو...
- 6
وهاد موديلها بعد ماسكرتها...
- 7
وهي خطوات شغلها بعد ماسكرت الكلزون..
- 8
نرش عالوجه قشقوان مرة تانية وذرة وزيتون ورشة اوريغانو وزعتر أخضر وحلقات فليفلة حمرا حدة أو حلوة للزينة...ونغطيها ونتركها تتخمر نصف ساعة ليتضاعف حجمها..
- 9
وهاد موديلها بعد ماتضاعف حجمها...
- 10
ندخلها الفرن لتحمر من الأسفل ونشوي الوجه ليحمر وصحة وهنااا..m.q
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
-
-
-
-
-
-
بيتزا 🍕بالخميرة الطازجة بيتزا 🍕بالخميرة الطازجة
طريقة تحضير العجينة بالخميرة الفريش مع دقيق القمح
-
-
-
وصفات ننصحك بمشاهدتها
التعليقات (10)